الحقّ في الإنتماء إلى جمعيّة و عقليّة كَرْوية
الحقّ في العزوبيّة
الحقّ في مراودة قهوة من قهاوي الحومة,أو البلاد لمن إستطاع إليها السبيل
الحقّ في التكحيل
الحقّ في التمتع بمفاتن الجنس المقابل
الحقّ في تزريق لحمو بكابل
الحقّ في الكريدي و كان خلّصطك ن**** يا سيدي
الحقّ في البطالة واحترام السادة الزطّالة
الحقّ في الكلام الفاضي
الحقّ في العودة للماضي
الحقّ في مخالفة إشارات المرور و التحصّن بالبخور
الحقّ في العيش ذليل
الحقّ في سرقة أخاه المواطن
الحقّ في النوم على الكراظن
الحقّ في تبلبيزة ليلة السبت
الحقّ في الإحتفاظ ب3 كيلو كبت
الحقّ في مرض نفساني
من حقُّو باش يعاني
الحقّ في النفاق
والعمل على إستمرارية الإنشقاق
الحقّ في السجن
الحقّ في شيخة
الحقّ في تنفيخة
الحقّ في بْلَقْ بلقْ
الحقّ في طقْ
الحقّ في الجُبن
الحقّ في البكاء
وهزّان لَخْشم للسماء
الحقّ في السبّان و سلبان العريان
من حقُّو ياكل صوابعو...و راسو واللِّي تابعو
من حقُّو باش يخضع لمعلِّم
و يبكِّش وقت اللّي يلزمو يتكلِّمْ
الحقّ في بقْ بقْ
الحٌق في دُجْدَقْ دُجدَقْ
الحقّ في الطبْعة
الحقّ في الإيمان بمشاريع ضبعة
الحقّ في شمّان الزبلة
الحق في هبلة...بين الحين والحين
الحقّ في التلْحين...البندير والتسكبين..
و من حقُّو يدزُّولو بالخمسين.
من حقّو يخزر بالعين
من حقُّو يعيش دفين...
الحقّ في ...
فاشْ؟
في تكتيف ليدين...و هزّان الساقين...
والتكاثروالمزايدة في التبهبير...
الحقّ في إنّو يحلم بروحو في خير...
التونسي يحلِمْ...
يحْلِم بالغدْ...و يندّدْ بشعارالتغيير..
إي سيدي إحْلمْ...
إحلم و ردْ بالك تفيق..
إحلم راهو عندِك الحقّ
الحقّ في النفاق
والعمل على إستمرارية الإنشقاق...
الحقّ في بقْ بقْ...
الحقّْ في العبودية و الرق..
